كل ما يخص شركة يوني واي Uniway

شرح يهم كل من يقدم علي الاشتراك فى يوني واي UNIWAY

شركة Uniway :
هي شركة مصرية بدأت عام ٢٠١٣ ، مسجلة في مصر و مقرها في القرية الذكية .
منتجات الشركة :
Smart home appliances - cameras - water treatment - tablets and labtops -- TVs - vacations - health care - bikes - golds gym - Zoom clinic
ان منتجات الشركة هي منتجات موجودة في السوق مثل ( سامسونج - أبل - سوني - نيكون - كانون - توشيبا - فريش - ايديال )
اي ان الشركة تقوم بإعادة بيع المنتجات المعروفة في السوق بطريقة تسويق مختلفة .
سعر المنتجات : تقوم الشركة بإضافة مبلغ آخر نظير بداية العمل معها لتسويق منتجاتها و يكون المبلغ المضاف في شكل ( وكالة - شحن - كورس - ... )

خطة ارباح الشركة : 


نظام ال binary system( النظام الثنائي ) و هو نفس نظام الشركة السابقة و لكن تختلف ارقام كل شركة عن الاخري .
تصنيف الشركة : تسويق ( هرمي )
ليه ؟
١- عمولة الاشخاص الموزعين في الشبكة خارجة من الزيادة في ثمن المنتج و ليس من ربح الشركة في المنتج نفسه .
-اي ان العمولة نتيجة استقطاب اشخاص جدد و ليس نتيجة بيع المنتج نفسه .
٢- يقوم ممثلي الشركة بإغراء الاشخاص المرشحين عن طريق ايهامهم ان الفكرة مش في منتج الشركة الفكرة في ( البيزنس) .
٣- توزيع خطة الارباح في النظام الثنائي بشكل يومي حتي مع وجود max out يمثل ثغرة علي المستوي البعيد .
ليه ؟؟
علشان النظام الثنائي في العالم تقوم الشركات الكبيرة بحمايته عن طريق ٣ طرق
١- ماكس اوت ٢- فلاش اوت ٣- كابنج
و علشان ال ٣ يحموا النظام بشكل طويل المدي معظم الشركات تقوم بعمل توزيع الارباح بشكل اسبوعي او نصف شهري او شهري .
٤- الهدف من الشركة الاستقطاب لموزعين و ليس بيع و تسويق منتجات .
٥-لا يمكن بيع منتجات الشركة بالتجزئة .
علي الهامش :
١- تقوم الشركة بايهام الموزعين و المرشحين بوجود الشركة في منظمة التسويق المباشر في انجلترا و ان هذه المنظمة هي التي تضمن استرارية الشركة و دليل علي قوة و قانونية الشركة .
http://www.dma.org.uk/articles/about-the-dma
ده لينك من الموقع الرسمي لهذه المنظمة
ايه المنظمة دي ؟
هي مؤسسة ربحية للاستشارات التسويقية فتقوم بمساعدة الشركات في التسويق و تشجيعهم علي تحقيق نتائج افضل و تقوم بإعطاء تسهيلات و اقامة التدريبات و المؤتمرات و اعطاء كل الادوات اللازمة لعمل تسويقي افضل ! ( بمقابل طبعا )
يا ريت الناس تقرأ في الموقع و تشوف ايه دي ؟؟
هل في وجود اي حاجة بتجيب سيرية التسويق الشبكي ؟؟ هل في وجود لحماية الموزعين من اعضاء المنظمة ؟؟
ما هي ضمانات المنظمة للاعضاء ؟؟
ما هي القوانين الخاضعة لها يونيواي في المنظمة ؟؟
ما هي معايير الانضمام في المنظمة لو هي فعلا كده ؟؟
- الاجابة موجودة في الشركة و موقعهم اني كل ده مش حقيقي و انها تقوم فقط بعمل استشارات تسويقيه لاي شركة بمقابل .
٢- تقوم الشركة بإيهام المرشحين ان العمولات مضمونة من البنك المركزي و الشركة لديها غطاء نقدي في البنك المركزي !!
- للعلم البنك المركزي هو بنك الدولة !! وهو بنك مراقب لكل البنوك الموجودة في مصر .. مفيش حاجة اسمها شركة عاملة ايداع في البنك المركزي او عاملة حساب لنفسها هناك !
٣- يقوم الموزعين في الشركة بشرح خطة الارباح و شرح اني وجود المنتج غير ضروري و اهم حاجة الشغل ( ده سبب مشاكل قبل مايو ٢٠١٣ )
٤-قامت الشركة بعمل حفلات ضخمة و قامت بدعوة مشاهير .. و ذلك لإثبات مدي مصداقية الشركة و من اجل استقطاب المزيد من الاشخاص عن طريق التأثير بوجود مشاهير .
- جلوبال اد مارت كانت عاملة حفلة للفنان عمرو دياب قبل وقوعها بأيام .. كما قامت القادة بدعوة رجال امن من اجل اعطاء المصداقية .
- ليه ما يكونش مصداقية الشركة بقوة منتجاتها ؟؟
- ليه دايما بيحاولوا يعملوا حاجات علشان يثبتوا انه في مصداقية ؟؟ .. تفتكروا لو الناس كانوا دافعين فلوسهم في منتجات بسعرها و مستفدين منها كان هيبقي الموضوع كده ؟؟
٥- الشركات اللي شبه كده في امريكا كانوا كتير جداا و اختفوا تدريجيا .. و في منهم وصلوا لاكتر من مليون تسجيل و كانت نهايتهم زي اي شركة تسويق هرمي .
-مش شرط شركة التسويق الهرمي تقفل زي ما الناس فاهمة (( يوني واي مش هتقفل )) بس هتقف في وقت معين .. ممكن يكون سنة او اتنين او اكتر .. حسب ما الشركة بتعمل repyramid اد ايه !!
٦- لا يمكن بيع المنتجات دون تسجيل العضوية في الشركة و بيع وكالة الشركة و ده بيخلي الحاجة للشغل فقط هي سبب التسجيل و بالتالي لا يمكن شراء منتجات الشركة مرة اخري ( عدم وجود مستهلكين ) و لذلك تكون الشركة قريبة من التشبع بالفكرة و يلزم تغيير حتي تستقطب الناس بطريقة اخري
٧- يوني واي رغم انها فتحت في دول خارج مصر ( دبي ) الا اني مستحيل حد خارج مصر يشتري موبايل سامسونج من مصر اغلي من تمنه ب ١٥٠٠ جنيه مثلا او اكتر علشان خاطر يبدأ شغل و الكلام ده !!
وده معناه اني ال expansion بتاع الشركة محدود و بيخلي ال saturation اقرب و ال curve بتاع الشركة يكون down بشكل اسرع .

الكلام ده مش هجوم بس ده مجرد نقد يا رب يكون بفايدة للناس كلها .